Lenin yenidən trenddədir: niyə bir əsr əvvəlin ideyaları SSRİ-nin süqutundan, sovet quruluşu dağıldıqdan sonrakı dövrdə, bir sözlə postsovet məkanında yaşayanların zehnini zəbt edir?
Birdən birə Vladimir İliç Lenin yenidən siyasi etirazın əsas meminə çevrildi. Sosial şəbəkələrdə ondan sitat gətirirlər, onun portretlərini mitinqlərə aparırlar, 1918-ci ilin yanvarında Vladimir İliçin dediyi Karl Marksın “Müsadirə edənləri müsadirə edin!” məşhur ifadəsi az qala yeni nəsil üçün şüar kimi səslənir. Niyə kommunizmin ruhu yenidən təkcə postsovet məkanını yox, dünyanı təqib edir?
1. “Hər şey pis olanda Lenini xatırlayırlar”.
İqtisadiyyat durğunlaşır, qiymətlər qalxır, məmurlar isə paralel reallıqda yaşayırlar. Bunun fonunda Leninin "aşağılar əvvəlki kimi yaşamaq istəmir, yuxarılar isə əvvəlki kimi idarə edə bilmirlər" tezisləri diaqnoz kimi səslənir. SSRİ-ni heç vaxt görməmiş gənclər “çar bürokratlarını dağıdan” inqilabçı obrazını romantikləşdirirlər.
2. Bütün sosial xəstəliklərin səbəbkarı olan kapitalizm özü Lenini diriltdi.
Kapitalist dövlət təbliğatı 1917-ci il İnqilabını onilliklər boyu pisləşdirirdi, lakin indi onun üzərində bumeranq var: İnsanlar “böyük ölkəmizi Lenin dağıdıb” deyəni eşidəndə soruşurlar: “Onu indiki kapitalist hakimiyyəti qurmuşdu"?
“Xarici agentlərin” tənqidi Leninin “Dünya inqilabına hazırlaşın!” fikri ilə tam uyğun gəlir.
3. Lenin parlaq “alternativ”in simvolu kimi.
Bəziləri üçün o, sistemə qarşı üsyankardır, digərləri üçün isə hökuməti trollamaq üçün əlverişli memdir. Nümunələr:
Lenin ilk blogerdir: “Aprel tezisləri”ni yazıb, çarın efirini ləğv edib.
Leninin mavzoleyi niyə indiyədək sökülməyib? Çünki orada yeganə vicdanlı məmur dəfn olunub.
4. “Sosial ədalət” nostaljisi
Hətta SSRİ-yə nifrət edənlər də etiraf edirlər: pulsuz tibb, təhsil və oliqarxların olmaması (lakin partiya nomenklaturanın dəbdəbəli olmasa da bağları var idi) bugünkü reallıqlar fonunda cəlbedici görünür.
Lenin yenidən “etiraz ikonasına” çevrilir – tarixin ironiyası ondan ibarətdir ki, buna şəraiti indiki hakim kapitalizm özü yaradır.
İnqilabi vəziyyəti yaradan insanlar deyil, yırtıcı kapitalizm üzərində qurulan oliqarx hökumətlərdir. Və bu, yalnız başlanğıcdır!
Necə ki, yüz il əvvəl imperialist müharibəsi yeni proletar inqilabının mamaçası olacaq. Bizim işimiz ədalətlidir, düşmən məğlub ediləcək, qələbə bizim olacaq!
Ədalət Abdinov
0 Комментарии