23 dekabr
2018-ci ildə Azərbaycan KP MK-nin Azərbaycan KP-nin Nəzarət – Təftiş
Komissiyası ilə birgə plenumu keçirilmişdir.
Plenumda:
I.
Azərbaycan Kommunist Partiyasının bərpasının 25 illik yubileyi barədə;
II. 23-25
noyabr 2018-ci ildə Yunanıstanın paytaxtı Afinada keçirilən Beynəlxalq
Kommunust və fəhlə partiyaların 20-ci yubiley müşavirəsinin yekunları və
Azərbaycan kommunistləri qarşısında duran vəzifələr;
III. Cari
məsələlər –
müzakirə
edilmişdir.
Plenumun
gündəliyində duran məsələlərlə bağlı Azərbaycan Kommunist Partiyası Mərkəzi
Komitəsinin birinci katibi yoldaş T.B.Nurullayev geniş məruzə etdi. O, bildirdi
ki bu gün fəaliyyət göstərən partiyamız 98 il öncə yaradılmış Azərbaycan
Kommunist (bolşeviklər) Partiyasının varisidir. Varislik həmişə eyni zamanda
böyük məsuliyyət demək olubdur. Bu plenumda iştirak edənlərin təmsil olunduğu
Azərbaycan Kommunist Partiyası varislik adını şərəflə daşıyır, eyni zamanda
ötən illərdə və xüsusən son dövrdə Azərbaycanın sosializmə doğru yolunda çox
işlər görübdür.
Yoldaş
T.B.Nurullayev Azərbaycan kommunistlərini təmsil etdiyi 23-25 noyabr 2018-ci
ildə Yunanıstanın paytaxtı Afinada keçirilən Beynəlxalq Kommunust və fəhlə
partiyaların 20-ci yubiley müşavirəsindən irəli gələn vəzifələr barədə məlumat
vermişdir. Qeyd etmişdir ki, ümumdünya kommunist müşavirələri kimi iş forması - aktual vəzifələri kollektiv müzakirə etməyin və ümumi fəaliyyətin vahid
platformasını kollektiv surətdə işləyib hazırlamağın mühüm vasitəsinə
çevrilmişdir. Və göstərdiyiniz böyük etimada əsasən mənim nümayəndəliyimlə Azərbaycan Kommunist Partiyası da bu mühüm prosesdə aktiv iştirak edir.
Məruzə
ətrafında Lənkəran Rayon Partiya Komitəsinin birinci katibi R.Cəfərov, Masallı
Rayon Partiya Komitəsinin birinci katibi N.Fətullayev, Lənkəran Rayon Partiya
Komitəsinin fəal kommunisti A. Əliyev, Sumqayıt Şəhər Partiya Komitəsinin katibi
A.Zeynalov, Azərbaycan Kommunist Partiyası Mərkəzi Komitəsinin üzvü M.Qafarov,
Sovet Zabitlər İttifaqı Azərbaycan Bölməsinin sədri F.Bağırov, Azərbaycan
Kommunist Partiyası Mərkəzi Komitəsinin katibi B.Hacıyev, Azərbaycan Kommunist
Partiyası Mərkəzi Komitəsinin katibi R.Həsənov və Azərbaycan Kommunist
Partiyasının Nəzarət Təftiş Komissiyasının sədri Ş.Rzayev yoldaşlar çıxış etmişlər.
Plenumun
gündəliyinə çıxarılmış məsələlərlə bağlı müvafiq qərar qəbul edilmişdir.
Azərbaycan
Kommunist Partiyasının bərpasının 25 illik yubileyi ilə bağlı bir qrup partiya
fəalı Azərbaycan Kommunist Partiyasının Fəxri Fərmanı ilə təltif olunmuşdur. Bakı şəhəri Xəzər Rayon Partiya Komitəsinin üzvü, partiya veteranı A.Qorbaçov yüksək mükafata - “Lenin”
ordeninə layiq görülmüşdür.
Plenum
partiya sıralarını ən layiqli, mətin, mübariz gənclər hesabına artırılması
ənənəsinə də xüsusi önəm vermişdir. Belə gənclərdən biri - Y. Cəfərov
Azərbaycan Kommunist Partiyasının sıralarına qəbul edilmiş və ona partiya
bileti təqdim olunmuşdur.
Bununla da
plenum öz işini başa çatdırmışdır.
"Kommunist" internet qəzeti
0 Комментарии