Polşa Kommunist Partiyasını niyə bağlamaq istəyirlər?

Polşa Kommunist Partiyası milli istiqlaliyyət və kapitalist müdaxiləsindən azad iqtisadi inkişaf uğrunda mübarizə aparan bütün xalqlar üçün bir örnəyə çevrilmişdir. İrtica və millitarizm qüvvələrinin bütün dünyada əks hücuma keçdiyi bir dövrdə Polşa Kommunist Partiyası ən düzgün strategiya hazırlamışdır. Bu da hakim Polşa burjua hakimiyyətini narahat edir.

Polşa Baş Prokurorluğu Kommunist Partiyası ilə bağlı Konstitusiya Məhkəməsinə müraciət edib.

Bu barədə Baş Prokurorluğun mətbuat xidməti məlumat yayıb.

Baş Prokurorluğun fikrincə, Polşa Kommunist Partiyasının üzvləri ölkədəki demokratik şəraiti pozurlar.

“Onların hədəfi XX əsrdə totalitar siyasət həyata keçirən kommunist partiyalarının hədəfləri ilə eynidir. Onların üzvləri açıq şəkildə Rusiyadakı Oktyabr inqilabına bənzər bir inqilaba çağırırlar. Baş prokuror hesab edir ki, Polşa Kommunist Partiyasının məqsəd və fəaliyyətləri konstitusiyaya zidd hesab olunduğu üçün fəaliyyəti dayandırılmalıdır”, – məlumatda qeyd olunub.

Partiya proqramında "proletariat, burjua dövlət aparatını, məsələn, parlamentə nəzarəti  sadəcə seçkilər  yolu ilə  ələ ala bilməz" deyildiyi qeyd edilir.

Proqramda deyilir: "Sinif bərabərsizliyi aradan qaldırmaq üçün kapitalist xüsisi mülkiyyətini ləğv etmək və onu ictimai əmlakla əvəz etmək lazımdır".

Qeyd edək ki, Polşa Baş Prokurorluğunun bu müraciəti Beynəlxalq Prokurorlar Assosiyasiyası və Avropa Prokurorların Məşvətətçi Şurası, həmçinin dünyanın aparıcı siyasi təşkilatları tərəfindən bir mənalı qarşılanmayıb. 

Ədalət Abdinov