Ədalət Abdinov,
Azərbaycan
Kommunistlər Birliyinin sədri
Azərbaycan
Kommunistlər Birliyinin ocağlarında Birliyin siyasətinin magistral istiqamətindən
irəli gələn məqsəd və vəzifələri – sosializmi bərpa etmək, kommunist ictimai
münasibətlərini yaratmaq, insanları sosializm ruhunda tərbiyə edilməsi kimi məqsəd və vəzifələr sənədlərdə -
Azərbaycan Kommunistlər Birliyininnin Proqramında, Nizamnaməsində şərh
edilmişdir.
Sosializm
uğrunda mübarizə şəraitində Azərbaycan Kommunistlər Birliyi İdarə Heyətinin qərarlarının,
Azərbaycan Kommunistlər Birliyi Sədrinin
sərəncamlarının, habelə təşkilat və ideya tərbiyəsi işinin təkmilləşdirilməsi,
insanların mübarizə fəallığının yüksəldilməsi barəsində Azərbaycan Kommunistlər
Birliyi İdarə Heyətinin göstərişləri ilə əlaqədar olaraq, ocağların fəaliyyəti
haqqında Azərbaycan Kommunistlər Birliyinin qərarlarının xüsusi əhəmiyyəti vardır.
Azərbaycan
Kommunistlər Birliyinin direktiv sənədlərində, qərarlarında kapitalizmlə
mübarizə şəraitində Birlikdaxili siyasət
məsələlərinə dair konkret prinsipial göstərişlər verilmişdir. Tamamilə qanunauyğun
haldır ki, Birliyin ocağlarının fəaliyyətində kommunistlərin sosializm uğrunda
mübarizəsi əsas yer tutur. Yerli təşkilatlarımızın bütün fəaliyyəti buna
istiqamətləndirilmişdir.
Kommunistlərimiz
adamların marksizm-leninizm yönümlü
ideya – siyasi fəallığına nail olmağa, bu prosesdə hər bir insanın öz yerini və
rolunu başa düşməsinə kömək etməyə çalışırlar. Azərbaycan Kommunistlər
Birliyinin siyasi əsgəri kimi kommunistin öz borcunu necə yerinə yetirdiyi
sosializmin bərpası uğrunda mübarizədə onun mövqeyinin nə qədər prinsipial
olmasına, onun özünün nümunə göstərməsinə, adamları marksizm-leninizm
ideologiyasının tələblərinin yerinə yetirilməsinə istqamətləndirməsinə görə
qiymətləndirilir.
Ocağlarımızın
üzvləri marksizm-leninizm işinə sədaqət, ideya mətinliyi və kommunist əxlaqı
ruhunda tərbiyə edilirlər.
Azərbaycan
Kommunistlər Birliyinin ocağları kommunist quruculuğu təcrübəsi ilə sıx əlaqədar
şəkildə marksizm-leninizm nəzəriyyəsinin kommunistlər tərəfindən öyrənilməsini
təşkil edir, marksizm-leninizmi təftişsayağı təhrif etmək və ona ehkamçılıqla məna
vermək yolunda edilən bütün cəhdlərə qarşı çıxır.
İctimai-siyasi həyatda kommunistlərin avanqard rolunun artmasına nail olmağa çalışırıq. Bu istiqamətdə Azərbaycan Kommunistlər Birliyinin Şəmkir ocağının fəaliyyətini xüsusilə qeyd etməliyik. Qərbi Sibirin Tümen vilayətində nəhəng neft və qaz yataqlarını kəşf etmiş məşhur azərbaycanlı geoloq, görkəmli alim, geologiya-mineralogiya elmləri doktoru, Rusiya Elmlər Akademiyasının müxbir üzvü, Sosialist Əməyi Qəhrəmanı Fərman Salmanovun adının doğulduğu Şəmkirdə əbədiləşdirilməsi ilə əlaqədar Azərbaycan Kommunistlər Birliyinin Şəmkir ocağının təşəbbüs qrupunun müraciətini Azərbaycan Respublikasının Prezidenti cənab İlham Əliyev dəstəkləmişdir. Belə ki, dövlətimizin başçısı 9 iyul 2019-cu il tarixli Sərəncamı ilə Şəmkir şəhərində Fərman Salmanovun heykəlinin ucaldılması, Azərbaycan Dövlət Neft və Sənaye Universitetində təhsil alan, xüsusi istedadı ilə fərqlənən 2 nəfər tələbə üçün “Fərman Salmanov adına təqaüd” təsis edilməsi, Şəmkir rayonunda təhsil aldığı ümumi təhsil müəssisəsinə Fərman Salmanovun adının verilməsi üçün qərar qəbul edilmişdir. Hazırda Azərbaycan Kommunistlər Birliyinin Şəmkir ocağı Şəmkirdə doğulub boya-başa çatan dünya şöhrətli sovet şərqşünas alimi Rüstəm Əliyevin adının əbədiləşdirilməsi istiqamətində də ciddi iş aparır.
Azərbaycan
Kommunistlər Birliyininnin Salyan, Biləsuvar, Cəlilabad və Masallı ocaqları çox
səmərəli təşviqat-kütləvi iş və təbliğat işi aparır, mahiyyəti
marksizm-leninizm təşkil edən ictimai işləri idarə etmək vərdişlərinə yiyələnməkdə
gənclərə kömək edirlər.
Kapitalizmin
bizə gətirdiyi ən böyük bəlalardan biri də mənəvi böhrandır, çünki kütləvi əxlaqsızlıq,
mənəvi eybəcərlik kapitalizmə nəfəs verir, onu yaşadır. Azərbaycan Kommunistlər
Birliyinin ocaqları adamlar arasında insanpərvərlik münasibətləri və qarşılıqlı
hörmət, insan insana dost, yoldaş və qardaşdır – müqəddəs ideyalara önəm verməklə
kapitalizmin bu murdar nəfəsini kəsmək istəyir.
Ocağlarımız
qarşılıqlı yoldaşlıq yardımı, hər kəs hamı üçün, hamı hər kəs üçün, düzlük və
doğruçuluq, mənəvi saflıq, ictimai və şəxsi həyatda sadəlik və təvazökarlıq,
haqsızlığa, müftəxorlara, əliəyriliyə, mənsəbpərəstliyiə qarşı barışmazlıq
mövqeyi sərgiləyirlər.
Kommunistlər
sosializmin, sülh işinin və xalqlar azadlığının düşməni – kapitalizmə qarşı
barışmazdır, xalqlar arasında dostluq və qardaşlığın tərəfdarıdır. Biz çürümüş
burjua ideologiyasından fərqli olaraq, bütün ölkələrin zəhmətkeşləri ilə, bütün
xalqların qardaşcasına həmrəyliyini üstün tuturuq.
0 Комментарии