Vaqif Hüseynov fotolarda...

Sovet dövründə rayon qəzetlərinin prinsipial, mərd, mübariz redaktorlarından biri də Vaqif Hüseynov olmuşdur. O SSRİ tarixində yeganə redaktorlardandır ki, partiya mətbuatının müstəqilliyini qoruyurdu. Elə buna görə də 70-ci illərdə Masallıda “Çağırış” rayon qəzetinin rəhbəri olarkən raykomun kommunist cildinə girmiş  nadan, tamahkar birinci katibinin qəzəbinə tuş gəlmişdir. Vaqif Hüseynov həmin rüşvətxora əyilməmiş və redakrtoluq vəzifəsindən istefa vermişdir. Çox güman ki, elə həmin çətin günlərdə aşağıdakı misraları yazmışdır:

Qolu bağli bir köləyəm zəmanənin hüzurunda,

Pəncəsində xışmalayır əjdaha tək dövran məni.

Həyat qəmli bir karvandır addımlayir ağır-ağır,

Son mənzilə aparacaq qoşulduğum karvan məni.

Nə dostların vəfası var, nə qohumun etibarı,

Nə tapılar bir hal əhli, nə bir duyan insan məni.

Мən taqətsiz, düşmən güclü, əlində həm tüfəng vardır

Su qarşımda, özüm təşnə, fəqət orda nəhəng vardır.
İstedadlı, şair, jurnalist Vaqif Hüseynov  1985-ci ildə şərəflə, namusla, ləyaqətlə, halal, pak, alnıaçıq, üzüağ dostlarından, sevdiklərindən, onu tanıyanlardan  əbədi ayrıldı. Ömrü vəfa etmədi, çox tez getdi. Yaşasaydı bu gün 84 yaşı olardı. Vaqif Hüseynovun yaxın qohumu Hikmətlə dost idim. Vaqifin adı çəkiləndə Hikmət kövrəlirdi. Hikmət çox səxavətli oğul idi. Elə bir məclis yox idi ki, orada Vaqif müəllimi xatırlamayaq. İndi Hikmət də yoxdur, Tanrının dərgahına qovuşub. Ümumiyyətlə, Vaqif Hüseynovun nəsli  Lənkəranda əsilli, nəcabətli olub.
Bu gün Vaqif Hüseynovun əziz xatirəsini "Sovet jurnalistikasının Vaqif Hüseynov zirvəsi - fotokompozisiya" ilə anırıq:
                                                                                                                  Ədalət Abdinov