İmperializm - fəlakətlərimizin baiskarı

“İnsanın öz davranışına yüksək tələbkarlıq göstərməsi, öz-özünü tərbiyə etməsi, özündə kommunist baxışları yaratmağı bacarması yeni əxlaqın formalaşmasının olduqca mühim bir cəhətidir.                       

V.İ.Lenin

İmperializmin bərabərliyi bərli-bəzəkli bəhrəsiz vədlərdən, fəlakətlərdən, zəhmətkeş sinifin maddi və mənəvi ehtiyaclarına rişxənd və təhqirlə baxmaqdan başqa bir şey deyildir.

Yoldaşlar, az-çox ardıcıl olan hər bir dünya görüşün bir başlanğıcı, bir kökü vardır. Kommunistlərin ümumi ideologiyası hər bir insanın özünü bir insan kimi dərk etdiyi zamandan bəri düşündüyü və yaxud da arzuladığı insanın insan tərəfindən istismarı olmadığı qruluşun ümumi ideologiyasını özündə birləşdirən marksizm-leninizm ideologiyasıdır. İmperializm onun ümumi düşməni, sosializm və kommunizm isə ümumi məqsədidir. Dünya kommunist hərəkatının sıx birliyi uğrunda mübarizənin müqəddəm şərtləri bunlardır. Hal-hazırda bütün dünya kapitalizmi ümumi böhran keçirir. Bu imperializm mərhələsində kapitalist istehsal üsulunun daxili ziddiyyətlərinin genişlənməsinin qanuna uyğun nəticəsidir. Götürək hal-hazırda başda Amerika olmaqla, bir sıra kapitalist dövlətlərinin burjuaziyasını. Onlar az xalqlı, yaxud da maddən müəyyən daxili sərvətlərinə görə ümumdünya ehtiyaclarının bəzi vacib ehtiyatlarının mənbəyi olan məzlum xalqların həm daxili sərvətlərində həm də məsuldar qüvvərində axtaraq öz daxili ziddiyyətlərini boğmağa çalışırlar. Bunun da müqabilində daxili və xarici ziddiyətlər birləşərək böhran yaradır. Böhran hər hansı bir ölkənin burjua cəmiyyətinin hər hansı bir sahəsini deyil, bütünlüklə bu cəmiyyəti sarsıtmışdır. Kapitalizmin ümumi böhranı onu dünya miqyasında süqutu dövrünün, onun inqilabi surətdə sosializmlə əvəz olunması dövrünün başlanması deməkdir. Kapitalizmin ümumi böhranı öz inkişafında bir sıra mərhələdən keçmişdir. 
Birinci mərhələnin başlanğıcını birinci dünya müharibəsi və Böyük Oktyabr sosialist inqilabı qoydu. Oktyabr inqilabı nəticəsində Sovet Sosialist dövləti yarandı və kapitalizm bütün dünyanı bürüyən yeganə sistem olmaqdan qaldı.

Ümumi böhranın ikinci mərhələsinin başlanmasını ikinci dünya müharibəsi ilə, Avropa və Asiyanın bir sıra ölkəsində sosialist inqilablarının qələbəsilə əlaqədardır. Beynəlxalq imperializmin zərbə qüvvəsi olan alman faşizmi və yapon millitarizm darmadağın edildi. Nəticədə dünya sosializm sistemi yaranmağa başladı. Dünya miqyasında sosializm və demokratiyanın mövqeləri möhkəmləndi.

Ötən əsrin 50-ci illərin axırında kapitalizmin ümumi böhranının 3-cü mərhələsi başlandı. Bu mərhələnin xüsusiyyəti bundan ibarətdir ki, o, dünya müharibəsi ilə əlaqədar deyil, iki sistemin dinc yanaşı və mübarizəsi şəraitində meydana gəlmişdir. Kapitalizmin ümumi böhranının 3-cü mərhələsinin başlanmasını dünya inkişafındakı hansı dəyişikliklər müəyyən etmişdir?

Birincisi, bir qrup ölkədə sosalizmin təntənəsi, bütün dünya sosializmi uyğrunda mübarizə edən qüvvələrin olduqca artmasıdır. Kapitalizmin hökmranlıq dairəsi daha da kiçildi, onun təsiri azaldı. Eyni zamanda dünya hadisələrinin gedişində sosializmin təsiri artdı.

İkincisi, milli azadlıq inqilabları nəticəsində imperializmin müstəmləkə sisteminin dağılması və əvvəllər zülm edilən bir çox ölkələrin müstəqil inkişaf yoluna çıxmalarıdır.

Üçüncüsü, imperializmin bütün ziddiyətlərini ilk növbədə isə məhsuldar qüvvələrlə istehsal münasibətləri arasındakı ziddiyətlərin kəskinləşməsidir. Bu isə kapitalizm dünyasının daxili çətinliklərini dərinləşdirmiş və zəhmətkeşlərin inqilabi mübarizəsinin daha da yüksəlməsinə səbəb olmuşdur.

Yoldaşlar, mən bütün bu proseslərin elmi əsasının düzgün həllini sizə çatdırmaq üçün elmi-kommunizm nəzəriyyəsinə istinad edirəm. Biz hal-hazırda dünya imperializmin zəhmətkeş sinifə qarşı apardığı iyrənc siyasətin iç üzünü elmi-kommunizm nəzriyyəsinə düzgün formada yiyələnməklə aça bilərik. Bunun da müqabilində kapitalizmin ağır-acınacaqlı zülmü altında inləyən bəşəriyyətin sosializmə gedən yolunu daha da sürətləndirmiş olarıq. Ikinci dünya müharibəsindən sonra sosializm sisteminin genişlənməsini görən dünya burjuaziyası öz hökmranlığının vaxtını uzatmaq üçün yeni-yeni planlar qurur. Yəni, birinci növbədə həmişə olduğu kimi, dini, dili, irqi ayrı-seçkilik və bunun da müasir formalarından başlıcası olan hər hansı dinin daxilində təriqətlərin artırılması müqabilində nəinki başqa-başqa dinlərə sahib olan xalqlar arasında düşmənçilik toxumlarının əkilməsi, hətta eyni dilə və dinə məxsus olan bir xalqın daxilində düşmənçilik toxumlarının səpilməsinə çalışır ki,  bununla da zəhmətkeş sinifin istismara qarşı birgə mübarizəsini zəiflətməyə çalışırlar. Bir sözlə, imperializm öz iyrənc niyyət və məqsədini qoruyub saxlamaq üçün yeni-yeni planlar qurur. Zəhmətkeş sinifin inqilabi mübarizəsi nəticəsində kapitalizm quruluşunu məhvə aparan tarixi prosesin pozulmaz qanunları qarşısında qorxu imperializm ideoloqlarının böhtan və saxtakarlıqla dolu olan bütün iliyinə qədər işləmişdir. 
Ancaq, ey mənim zəhmətkeş qardaşlarım, siz bircə şeyi yaddan çıxarmayın ki, sosalizmin az-çox bəhrəsini görmüş “Sovet xalqı bu bərli-bəzəkli, əslində ən iyrənc əməllərlə dolu olan kapitalizmin ən yüksək mərhələsi olan  imperializmi qabığına nəinki sığmayacaq, hətta onu darmadağın edərək dünya sosializm sistemi yaradacaq. Bununla da bütün zülmlərə, istismara, müharibələrə son qoyacaq. Sosializmi, kommunizmi yaşamaq btün xalqların haqqıdır. Yer kürəsi hər birimizin vətənidir. Şərqindən, qərbindən, cənubundan, şimalından asılı olmayaraq. Hal-hazırda dünyanın bir çox ölkələri ilə yanaşı Azərbaycanda da bir çox opportunist, reformist dünya görüşünə sahib olanlar burjuaziyanın köməyi sayəsində özlərini kommunist hərəkatının liderləri adlandıraraq kommunist düşüncəli insanların, kommunist ideologiyasının ətrafında birləşməyə əngəl törədirlər. Mən isə üzümü bu üzdən iraq liderlərə tutaraq deyirəm ki, əgər siz doğurdan da kommunist ideologiyasının kommunizm quruculuğu uğrunda mübarizə aparırsınızsa marksizmi-leninizmi ideologiyasını təbliğ edərək zəhmətkeş sinifə öz haqlarını əldə etmək yolunu burjua ideoloqları kimi yox, marksistcəsinə göstərin. Bircə şeyi yaddan çıxarmayın ki, kommunist əqidəsi, kommunist ideologiyası kor-koranə etiqad deyildir. Bu əqidə, bu nəzriyyə marksizm-leninizmi bütün bəşər fəlsəfəsinin ən yüksək nailiyyətlərini özündə birləşdirərək, ictimai inkişaf qanunları haqqında verdiyi biliyə əsaslanır.            
Mən də sizə birinci növbədə köhnə burjua əxlaqından uzaqlaşmağınızı tövsiyyə edirəm. İkinci növbədə, cəmiyyətin, bəşəriyyətin parlaq gələcəyində sizin əbədi diletant siyasi portretinizin cizgilərini görürüəm.

                                                                                                      Vüsal Həsənoğlu