Bəyanatı
Azərbaycan Respublikasında akkreditə olunmuş Venesuela Bolivar Respublikasının səfirliyi Bakı şəhərində olan bütün diplomatik missiyalara və beynəlxalq təşkilatlara məlumat verir ki, bu gün Venesuelada demokratik institusional quruluşa qarşı və Prezident Nikolas Maduro Morosun qanuni və konstitusional hökumətini devrmək məqsədi ilə dövlət çevrilişi fəallaşdı.
Dövlət çevrilişini etmək istəyənlərə Amerika Birləşmiş Ştatları imperiyasının
marioneti Xuan Quaidio və Venesuelada radikal sağçıların lideri Leopoldo Lopes başçılıq edirlər. Bu
cinayətkar şəxslər azsaylı silahlı hərbçilərlə birlikdə Venesuela Bolivar
Respublikasında terror törətmək niyyətindədirlər.
Azərbaycan Respublikasında akkreditə
olunmuş Venesuela Bolivar Respublikasının səfirliyi məlumat verir ki,
hal-hazırda Venesuela Bolivar Silahlı Qüvvələri Venesuela xalqının dəstəyi ilə
Karakas şəhərində Altamira yolpaylayıcısında olan konstitusiyamıza və respublikanın sülhünə qarşı dövlət çevrilişini törətmək istəyən az sayda xəyanətkar
hərbçilərlə qarşı-qarşıya gələrək onları zərərsizləşdirməkdədir.
Venesuela Bolivar
Respublikasının Müdafiə üzrə Xalq Hakimiyyəti Naziri Vladimir Padrino Lopes məlumat
verib ki, Bolivar Milli Silahlı Qüvvələri Milli Konstitusiyanı və qanuni hökuməti qorumağı davam etməkdə qərarlıdır. Səkkiz regionda yerləşdirilmiş
bütün hərbi bölmələr qanuni komandanlarının rəhbərliyi altında kazarmalarda və
hərbi bazalarda vəziyyətin normal olduğunu məruzə edirlər.
Azərbaycan Respublikasında akkreditə olunmuş
Venesuela Bolivar Respublikasının səfirliyi Bolivar Hökuməti adından beynəlxalq
ictimaiyyətdən xahiş edir ki, bu zorakı, rəzil, terrorist və
anti-demokratik hərəkəti pisləyərək suverenliyi, demokratiyanı və Prezident
Nikolas Maduro Morosun konstitusional hökumətini dəstəkləsin.
Bakı, 30 aprel 2019-cu il
0 Комментарии