Azərbaycan
Kommunist Partiyası Mərkəzi Komitəsinin və Azərbaycan Kommunistlər Birliyinin təşəbbüsü ilə “Kommunist ideologiyası və din” mövzusunda tədbir
keçirilmişdir.
Tədbir
iştirakçılar əvvəlcə müxtəlif dini ədəbiyyatdan ibarət kitab sərgisi ilə tanış olmuşlar.
Tədbiri giriş
sözü ilə açan Azərbaycan Kommunistlər Birliyinin sədri Ədalət Abdinov bildirdi
ki, marksizm ilk dəfə bəşər cəmiyyətinin inkişaf qanunauyğunluğunu açmış,
bununla da dinin elmi izahını mümkün etmişdir. Ona görə də kommunist
ideologiyası dinə gerçəkliyin saxta, fantastik inikası, adamların özləri tərəfindən
uydurulmuş bir illüziya kimi baxır.
Ədalət
Abdinov F.Engelsin “Anti-Dürinq”əsərindəki – Hər bir din, insanların gündəlik həyatında
onlara hökmranlıq edən xarici qüvvələrin insanların beynindəki fantastik
inikasından, yer üzərindəki qüvvələrin səma qüvvələri şəkli aldığı inikasdan
başqa bir şey deyildir – fikrini tədbir iştirakçıların nəzərinə çatdırmışdır.
Azərbaycan
Kommunist Partiyası Mərkəzi Komitəsinin sədri Gülnisə Mənsimova çıxışında qeyd
etdi ki, din ictimai varlığın hakimlik, məhkumluq münasibətlərinin mövcud
olduğu, insanların oz həyat şəraitindən asılı qaldığı tərəfi əks etdirir. Din
insana acizliyinin nəticəsi kimi və eyni zamanda bu acizliyi fantastik vasitələrlə
dəf etmək cəhdindən meydana gəlir. Öz praktiki acizliyini tamamlamağa çalışan
insanlar aləmə təsir göstərmək üçün illüziyalı vasitələrə əl atırlar. Dini təsəvvürlərin
yalan və fantastik xarakteri məhz bununla izah olunur.
Bakı Dövlət
Universitetinin İslamşünaslıq elmi-tədqiqat mərkəzinin rəhbəri, fəlsəfə elmləri
doktoru, professor Əsəddulla Qurbanov dedi: - Fəlsəfi elm olan elmi ateizm
mahiyyət etabarilə təkcə dinin inkarından, adi dinsizlikdən ibarət deyildir.
Marksist materialist dünyagörüşünün mühüm tərəfini təşkil edən elmi ateizm zəngin
pozitiv məzmuna, çox böyük dünyagörüşü potensialına, humanist potensiala malik
olub, şəxsiyyətin və cəmiyyətin mənəvi həyatında bir sıra müsbət funksiyalar
yerinə yetirir, şəxsiyyətin hərtərəfli, ahəngdar inkişafına kömək edir.
Professor Əsədulla
Qurbanov tədbir iştirakçıların müxtəlif suallarını cavablandırdı.
Kommunistlərdən
Natalya Voronina, Dilbər Ağayeva, Ələz Həsənov və İbrahim Şiri elmi ateizmin təbiət
və cəmiyyətin elmi tədqiqi ilə üzvi surətdə bağlılığından, kommunist əxlaqından
ayrılmazlığından, dərin, nikbin , humanist və həyati təlim olmasından
danışdılar.
Tədbiri
yekunlaşdıran Azərbaycan Kommunistlər Birliyinin sədri Ədalət Abdinov
vurğulamışdır hər bir kommunist müasir burjua dinşünaslığın təsirinə salınmış gənclərə
izah etməlidir ki, marksist ateizm dinin
mənşəyi və mahiyyətinin elmi izahını verir, onun sosial köklərini, tarixən
keçici xarakterini aşkara çıxarır.
0 Комментарии