Azərbaycanda kapitalizmin yeni ildə xalqa verdiyi yeni “töhfələrdən” biri də Aİ-92 markalı avtomobil benzininin və dizel yanacağının pərakəndə satış qiymətinin əsassız artırılması oldu.
2020-ci ilin
ağrılarından qurtarmamış yeni bir “pandemiya” – bazar qiymətlərinin artması
təhlükəsi yarandı, sadə xalqın güzaranının daha da ağırlaşması kimi acınacaqlı
şərait yarandı.
Kütləvi
İnformasiya Vasitələrində çıxış edən məmurlar, deputatlar, hətta politoloqlar isə
ağız dolusu 2021-ci ilin dövlət büdcəsinin “sosial” yönümlü olduğunu
vurğulayırlar, ancaq qiymətlərin artımı xalqın sosial durumunu
gərginləşdirəcəyi barədə susurlar.
Məktəblərin, uşaq
bağçaların, idman zalların, tibb ocaqların və digər sosial obyektlərin
tikilməsi büdcənin sosial yönümlü olmasına nümunə kimi göstərilir, ancaq onlardan istifadə pulludursa, bu büdcə sosial
yönümlü ola bilərmi? Əlbəttə ki, yox!
Necə ola bilir
ki, müharibə şəraitində, 30 ilə yaxın gərgin bir dövrdə, bizim cəmiyyətin 1%-i astranomik
dərəcədə varlanır, qalan hissəsi isə müflisləşir? Buna səbəb nədir, məmurlarmı, ayrı-ayrı şəxslərmi? Yox!
Buna səbəb
respublikamızın “iri addımlarla” kapitalizm cəmiyyətinə doğru irəliləməsidir! Plansız
bazar iqtisadiyyatıdır!
Məgər hökumət
başa düşmür ki, yanacağın cüzi artması bazarda qiymətlərin artmasına gətirib
çıxarır?
2020-ci il
dünyanı bürüyən pandemiya ilə başlasa da bizim cəmiyyət 44 gün davam edən vətən
müharibəsində əldə edilən qələbəyə görə
Ali Baş komandana, ordumuza dərin sevgi və minnətdarlıq bildirir. Lakin el sözü
var: “Yaxşıya görə çox sağ ol, pisə görə cavab ver”!
Görəsən, vətən müharibəsində
qələbə əzmi ilə düşmən üzərinə şığıyan əsgərlərimiz kimlərin övladları idi?
Şəhid olanlar kimlərin uşaqları idi?
Sual olunur: nə
səbəbdən 2021-ci ilin ilk günlərindən yanacağın qiyməti qaldırılmalıdır? Bəlkə
dövlət büdcəmiz işğaldan azad olunan şəhər və kəndlərimizin bərpasına azlıq
edir? Və ya şəhid əilələrinə verilən yardım büdcəyə çox ziyan gətirib? Əlbətdə
ki, yox! Qeyd olunduğu kimi bu kapitalizmin mahiyyətindən irəli gəlir!
Dörd il alman
faşizmi ilə müharibə aparan və 1945-ci ilin mayında parlaq qələıbə çalan SSRİ
dövləti qisa müddətdə (1946-cı ildə) bütün məhsulların qiymətində endrimlər
etdi. Nə səbəbdən? Çünki hakimiyyət xalq hakimiyyəti idi və hakimiyyət xalqa
xidmət edirdi! İndi isi, kapitalizm dövründə, xalq bir ovuc burjua
hakimiyyətinə xidmət edir.
Əgər həqiqətən
də bütün hakimiyyət orqanları, özləri yazdıqları və xalq tərəfindən qəbul
edilən respublikamızın Əsas Qanunu olan Konstitusiyaya hörmət edirlərsə onun
birinci bəndinə sayğı ilə yanaşmalıdırlar. Lakin sözdə bir şey, əməldə başqa
şey ediləcəksə bu sosial naraharçılığa gətirib çıxaracaqdır. Dahi şairimiz
Səməd Vurğunun sözləri ilə desək: “Bil ki, qullar dünyasının intiqamı yaman
olur!”
Azərbaycan Kommunist Partiyası Mərkəzi Komitəsi qətiyyətlə bidirir ki, pandemiyadan ziyan çəkən əhaliyə hökumət tərəfindən yeni sosial zərbənin vurulması yol verilməzdir! Bu qədər təbii sərvətlərə malik olan ölkənin xalqı normal yaşamaq hüququna layiq olmalıdır!
Azərbaycan Kommunist Partiyası Mərkəzi Komitəsi adından: T. Nurullayev
07 yanvar 2021-ci il.
0 Комментарии