Prinsiplərə sadiq kommunist

Şəkildə (soldan): Baxşəli Hacıyev və Kuba Respublikasının ölkəmizdəki

fövqələ və səlahiyyətli səfiri Karlos Enrike Valdes de la Konsepsyon.

Bu gün müasir Azərbaycan kommunist hərəkatının görkəmli nümayəndələrindən biri olmuş Baxşəli Hacıyevin (25 dekabr 1950 - 10 mart 2024) doğum günüdür.

Baxşəli Hacıyev sadə əməkçi insanların maraqlarını əsaslı şəkildə müdafiə edir, əsl beynəlmiləlçi idi. Vətəndaşlıq şüuru və vətənpərvərlik onun əsas xüsusiyyətləri idi.

Nümunəvi, prinsipial kommunist – cəmiyyətin dayaq sütunudur. Digər tərəfdən kommunist hərəkatının davamlı inkişafı hər şeydən əvvəl onu təşkil edən insanların mənəvi keyfiyyətlərindən asılıdır. Bu baxımdan nümunəvi, prinsipial vətəndaş anlayışı xüsusi əhəmiyyət daşıyır. Belə bir vətəndaş yalnız qanunlara əməl edən deyil, eyni zamanda yüksək vicdan, məsuliyyət və vətənpərvərlik hissinə malik olan şəxsdir. Baxşəli Hacıyev də bu cür vətəndaşlardan biri idi.

Kommunist Baxşəli Hacıyev öz davranışı ilə başqalarına örnək olurdu. Onun üçün dürüstlük, ədalət və insanpərvərlik əsas həyat prinsipləri idi. Əməli ilə cəmiyyətdə etimad mühitinin formalaşmasına, insanlar arasında qarşılıqlı hörmətin möhkəmlənməsinə böyük töhfə verməyə çalışırdı.

Prinsipial communist Baxşəli Hacıyev öz mövqeyində sabit və qətiyyətli idi. O, çətin vəziyyətlərdə belə doğru bildiyi yoldan dönmür, şəxsi maraqlarını ümumi mənafedən üstün tutmurdu. Haqsızlıqla qarşılaşdıqda susmaq əvəzinə, qanuni yollarla etiraz etməyi bacarırdı. Yaxşı bilirdi ki, prinsipiallıq vətəndaşın həm özünə, həm də cəmiyyətə qarşı məsuliyyət hissinin göstəricisidir.

Baxşəli Hacıyev kimi nümunəvi və prinsipial kommunistlər cəmiyyətin mənəvi gücünü formalaşdıran əsas amildirlər. Belə kommunistlərin çoxluğu ölkənin daha ədalətli, daha güclü və daha firavan gələcəyinə zəmin yaradır.

Baxşəli Hacıyevin çoxşaxəli işinin əhəmiyyətli bir tanınması Lenin, Stalin və Oktyabr inqilabı ordenlərinə layiq görülməsi idi. Nəsimi rayon kommunistlərinin lideri respublikanın ən hörmətli siyasətçilərindən biri idi. O, xalqa xidmətin və sosial ədalət və sosializm ideallarına sədaqətin parlaq nümunəsini göstərdi.

Öz nümunəsi ilə Baxşəli Hacıyev sübut etdi ki, əsl kommunist öz işi, kommunist hərəkatı və Vətənin taleyi üçün böyük məsuliyyət daşıyan bir insandır. Bu əvəzsiz insanın vəfatı onu yoldaş, mentor və dost kimi tanıyan hər kəs üçün əvəzolunmaz bir itkidir.

Baxşəli Hacıyevin əziz xatirəsi ailəsinin və dostlarının, yaxşı yoldaş, nümunə və etibarlı dayaq olduğu hər kəsin yaddaşında, diqqəti və dəstəyi ilə isitdiyi hər bir qəlbdə əbədi yaşayacaq.

Ədalət Abdinov