1. Siniflər haradan yaranıb?
Feodal dövrdə burjuaziya feodallara qarşı mübarizə aparırdı. O vaxt burjuaziya inqilabi sinif idi, çünki cəmiyyəti kapitalizmə keçirmək istəyirdi. İşçi sinfi isə hələ güclü deyildi və burjuaziya ilə ziddiyyətini anlamırdı.
2. Kapitalizm necə yarandı?
Burjuaziya güclənərək feodalları məğlub etdi və kapitalizm qurdu. Amma istismarı ləğv etmədi – sadəcə feodalların yerini kapitalistlər, təhkimlilərin yerini fəhlələr aldı.
3. Yeni ziddiyyətlər nə vaxt başladı?
Kapitalizm inkişaf etdikcə kapitalistlərlə fəhlələr arasında ziddiyyətlər kəskinləşdi. Fəhlələr öz maraqlarını dərk etməyə başladılar və sinfi mübarizəyə qoşuldular.
4. Burjuaziya niyə artıq inqilabi deyil?
Kapitalizmi qurduqdan sonra burjuaziya mövcud sistemi qoruyan reaksion sinfə çevrildi. Buna görə də burjua elmi obyektiv ola bilməz.
5. Sosial-demokratiya nədir?
XIX əsrdə yaranmış xırda burjua cərəyanıdır. Əvvəl işçilər arasında sosializm ideyalarını yayırdı, amma sonra islahatçılığa keçdi. İnqilab əvəzinə parlament seçkilərini təklif edir. Bu isə burjua dövlətinin nəzarətində olduğundan işçi sinfinin qələbə şansı azdır.
6. Sosial-demokratiyanın əsas səhvi
Sosial-demokratiya sinfi mübarizəni burjuaziya ilə “kompromis” çərçivəsində həll etməyə çalışır. Bu isə istismarı dəyişmir, sadəcə yumşaldır.
7. Marks nə dedi?
Marks göstərdi ki:
* siniflər tarixi mərhələlərə bağlıdır;
* sinfi mübarizə proletariat diktaturasına aparır;
* proletariat diktaturası sinifsiz cəmiyyətə keçid mərhələsidir.
8. Sosializmin praktik təsdiqi
Bu nəzəriyyə 1917-ci ildə bolşeviklər tərəfindən SSRİ-nin qurulması ilə praktikada həyata keçirildi.
9. Niyə marksizm sosial-demokratiyadan üstündür?
Çünki sosial-demokratiya real bərabərlik və sinifsiz cəmiyyət yaratmaq gücünə malik olmadı.
Marksizm isə kapitalist istismarının tam ləğvini hədəfləyir.
Ədalət Abdinov
0 Комментарии