Kommunistlərə müraciət

Sosializm elm olandan bəri tələb edir ki, onunla elm kimi davransınlar yəni, onu öyrənsinlər. 

                                                                                                                                                                                 F.Engels

Yoldaşlar, elmi kommunizm marksizm-leninizmin ayrılmaz tərkib hissəsidir. Bu hissələr üzvi surətdə bir-birilə bağlı olan ardıcıl, fəlsəfi, iqtisadi və ictimai-siyasi baxışlar sistemidir. Yalnız bu hissələrin məcmui cəmiyyətin inqilabi surətdə yenidən qurulması problemlərini həll etməyin nəzəri əsasını verir. Ciddi elmi inqilabi nəzriyyə ilə inqilabi praktikanın vəhdəti-kommunizmin hərəkətverici qüvvəsidir. İnqilabi praktika olmadan, marksizm-leninizm ideyaları həyata keçirilmədən nəzəriyyə köhnəlmiş ehkamlar yığınına, reformizmin və opportunizm örtüyünə çevrilir. Digər tərəfdəndə elm olmadan ictimai inkişaf prosesləri elmi surətdə başa düşülmədən inqilabçılıq dönüb, avanturizm olur. Anarxizmə doğru aparır. Hal-hazırda bir neçə yerə parçalanmış Azərbaycan Kommunist Partiyası kimi.

Yoldaşlar,  milyonlarla insan qanının bahasına qurulmuş zəhmətkeş sinifin dövləti olan, min illərlə insanların arzusunda olduğu insanın insan tərəfindən istismarını qəti surətdə ləğv edən dininə, dilinə, irqinə görə ayrı seçkilik qoymayan qardaşlıq, bərabərlik ədalət zəmnində qurulan Sovet höküməti  müəyyən səbəblərdən dağılandan sonra nəinki Azərbaycanda, bütün sovet respublikalarında tərəqqisevər qüvvələr kapitalizmin və onun sələfləri olan ümumdünya burjuaziyasının gətirdiyi iyrənc ziddiyətləri görərək itirdikləri azadlığın qiymətini dərk edərək onu necə, nə cür, hansı yollarla qurulmasını arzulayaraq kommunist partiyasını bərpa etdilər. Ancaq çox təəssüflər olsun ki, Azərbaycanda bu partiyanı bərpa etmiş mərhum Ramiz Əhmədovun vəfatından sonra siyasi savadsızlıq ucbatından partiya opportunizmin və anarxizm xəstəliyinə tutularaq bir neçə yerə parçalandı. Bunun da ucbatından əqidəcə əsl kommunist olan yəni mövcud qruluşun istismarına qarşı (kapitalizmin) barışmamazlıq, inqilabilik əhval ruhiyyəsində olan insanlar 3-cü vacib şərtlərdən biri olan marksizm-leninizm idealogiyasına sahib olmadıqlarına görə ümidsizliyə qapılaraq öz istəklərini başqa burjua partiyalarının şirin və bəhrəsiz yalanlarında axtararaq qaranlıqda bir işıq axtaranlara çevrildilər.

Yoldaşlar, bir şeyi nəzərdən qaçırmayın ki, biz istədiyimiz cəmiyyəti - Kommunizmi  qurmaq üçün ümumdünya filosofları Marks və Leninnin fəlsəfəsini öyrənməliyik. Marksizm-leninizm fəlsəfəsi bütün bəşəri fəlsəfənin ən yüksək nailiyyətlərini özündə birləşdirərək cəmiyyətin inkişaf və tərəqqisini çiynində daşıyan zəhmətkeş sinfin mənafeyni müdafiə etmək üçün yaradılmışdır. Marksa qədər ki, filosoflar bir sıra istisnalar olmaq şərti ilə əsasən istismarçı sinfin mənafeyi naminə xidmət etmişlər. Özünü müasir  kommunist adlandıran əslində burjuaziyanın nökərləri olan və Azərbaycan Kommunist Partiyasını bir neçə yerə parçalayaraq özlərini lider adlandıran və marksizmin-leninizmn nəzəriyyəsinə köhnəlmiş bir nəzəriyyə kimi baxan əslində bu nəzəriyyədən tamamilə xəbərsiz olan, özlərində nəisə qeyri adi hisslər hiss edən burjuaziyaya məxsus olan ehkamçılıq və qeybətdən başqa özlərində ayrı hisslərin olmadığını dərk etməyən liderlər təsadüfi nəyi isə gözləyirlər. Ancaq vacib olan bir şeyi bilmirlər ki, Marks fəlsəfəsi təsadüfdən deyil, bəşəriyyətin min illərlə arzuladığı zərurətdən doğub. Hələ V.İ.Lenin marksizmin nəzəriyyəsinə təftişçi “yeniləşdiricilərin” nə kimi yenilik gətirdikləri sualına belə cavab verərək yazırdı: “əsla heç bir şey”. Marks və Engelsin inkişaf etdirməyi, bizə tapşırdıqları elmi onlar bir addımda irəlilətməmişlər. Onlar proletariata heç bir yeni mübarizə üsulu öyrətməmişlər. Onlar geri qalmış nəzriyyələrin tör-töküntülərini götürərək, proletariata mübarizə nəzəriyyəsini deyil, güzəştə getmək nəzəriyyəsini proletariatın ən qəddar düşmənlərinə, sosialistləri təqdim etmək üçün yeni vasitələr axtaran hökumətlərə burjua partiyalarına güzəştə getmək nəzəriyyəsini təbliğ etməklə yalnız geriyə doğru addım atmışdır. Lenin göstərmişdir ki, opportinizm burjua ideologiyasının marksizmə qarşı mübarizə formasıdır. “Marksist həqiqətlərini burjuacasına axtalamaqdır”, “köhnə” marksizmi bir kənara atmaq və onu “yeni” burjua təlimi ilə əvəz etmək cəhdidir.

Yoldaşlar, mən bir kommunist kimi sizə üzümü tutub deyirəm ki:-Kommunist patiyasının rəmzini özündə əks etdirən sosializmin qurulmasında, qorunmasında, inkişafında milyonlarla kommunistlərin sevə-sevə qəlbləri başında gəzdirdikləri, yeri gəldikdə uğrunda belə canlarını verdikləri “partbiletin” önündə bu opportunistlərin, reformislərin deyil Marks, Lenin şəkli vurulub. Harda olduğunuzdan asılı olmayaraq bu avanturistlərin alətinə çevrilməmək üçün marksizmin-leninizmn fəlsəfəsini öyrənin. Müasir dünya burjuaziyasının istismarından qurtarmaq üçün yolumuz bu yoldur. Dünənki burjuaziya ilə bu günki burjuaziyanın yaxudda ki, sabahki burjuaziyanın arasında heç bir fərq yoxdur. Xüsusiyyət və xasiyyət üçündə də eynidir. Burda bir balaca kəmiyyət dəyişikliyi ola bilər (yəni sabah bu günkinə və yaxud da dünənkinə nisbətdə ya biraz az, ya da bir az çox bizim qanımızı sora bilərlər). Zəhmətkeş sinfin istək və arzularının açarı marksizmin və leninizmn ideologiyasıdır. Bu qanunun kəşf edilməsində və kütlələrin kommunistcəsinə maariflənməsində sasilalizm dövrünün görkəmli şairi V.V.Mayakovski gözəl ifadə etmişdir.

Bizə elə gəlirdi

kommunizm körfəzinə

Bizi ancaq

təsadüfi dalğalar,

ora bura çırparaq

aparıb çıxaracaq.

                                                                                                                                                            çıxrMarks tarixin bir vaxt

qanunların açaraq

dünyanın sükançısı

eylədi proletariatı.

Hərflərlə örtülmüş

adi vərəqlər deyil,

quru rəqəmlər deyil,

Marksın kitabları.

Marks ayaq üstünə

qaldırıb fəhlələri

rəqəmdəndə nizamlı

dəstələrlə apardı

irəli.

Marksın bədii ifadəsi ilə desək, maddi və mənəvi çatışmamazlıqlar, şəxsi mülkiyyətdən və insanın insan tərəfindən istismarından doğur. Müasir dövr bir-birinə əks olan iki ictimai sistem arasında (sosalizmlə kapitalizm) arasında mübarizə dövrüdür. Bütün bu proseslərin ictimai iqtisadi bir sözlə, fəlsəfi açarı marksizmi-leninizm nəzriyyəsidir. Bütün kommunist düşüncəli insanlara kommunist idealogiyası arzusu ilə deyirəm:

İşıqlı gələcəyimiz kommunizmdir!

Vüsal Həsənoğlu