Azərbaycan
Kommunist Partiyası Nəzarət – Təftiş Komissiyasının sədri,
nüfuzlu ziyalı, prinsipial vətəndaş Şıxbaba Rzayevin ad günündə bu mətin
kommunist haqqında fərəhli çox sözlər söyləmək olar. Mənəvi zənginliyə malik
olan bu nurlu ziyalı ən dəyərli sözlərə, halal tərifə layiq ömür yaşayır.
Hər şeydən
öncə kommunist Şıxbaba Rzayev bu dolaşıq zəmanədə təzyiqə məruz qalan
marksizm-leninizm ideologiyasına sədaqəti ilə fərqlənir. Yüksək ideyalılıq və
sosializmə inam onun mübarizə amalıdır. Sosialist həyat tərzinə zidd olan adətlərlə
barışmır.
Burjuaziya
hər vəclə insanları sosializm quruculuğunun vacib vəzifələrindən uzaqlaşdırmağa
çalışır. Şıxbaba Rzayev kimi kommunistlərin ideoloji fəaliyyəti isə adamlara
yaxınlığı, doğruçuluğu, tutarlı dəlillərə əsaslanması, konkretliyi ilə seçilir.
Kommunist ideya-nəzəri məzmununun dərinliyi burjuaziya qarşısında maneədir.
Şıxbaba
Rzayev burjua cəmiyyətinin həyatında baş verən hadisələri öyrənmək və ümumiləşdirmək,
kommunist, fəhlə, milli azadlıq və demokratik hərəkatın təcrübəsini düzgün nəzərə
almaq bacarığına malikdir. Onun kommunist mövqeyinin məzmunu ondan ibarətdir
ki, insanlar marksizm-leninizm təliminə dərindən yiyələnsinlər, siyasi mədəniyyəti
yüksəltsinlər, Azərbaycan Kommunist Partiyasının siyasətinin işlənib hazırlanmasında
şüurlu iştirak etsinlər və onu fəal surətdə həyata keçirsinlər.
Haqlı
olaraq Şıxbaba Rzayev deyir ki, sosialist mübarizə məqsədlərinə, sosializm
ideallarına sədaqətə əsaslanan ən insani, ədalətli, nəcib əxlaqın – kommunist əxlaqının
yaradıcılıq potensialı sosializmə doğru tədricən irəliləmək şəraitində getdikcə
daha dolğun şəkildə aşkara çıxır. Şıxbaba
müəllimin fikirlərindən biri də odur ki, kommunist əxlaqı həm ümumbəşəri
əxlaqi sərvətləri, həm də istismara qarşı azadlıq və sosial bərabərlik, səadət
və sülh uğrunda çoxəstlik mübarizədə xalq kütlələri tərəfindən yaradılmış
normaları – insanların davranışı və qarşılıqlı münasibətləri normalarını özündə
birləşdirmişdir.
Şıxbaba müəllimin
istəyi odur ki, kollektivçilik əxlaqı, yəni bir nəfər hamı üçün, hamı bir nəfər
üçün prinsipi bərqərar olsun. Çünki kollektivçilik əxlaqı bugünkü cəmiyyətin bəlasına
çevrilən xudpəsəndliklə, təkəbbürlə və mənfəətpəsətliklə bir yerə sığmır,
ümumxalq mənafeyini, kollektiv və şəxsi mənafeyi ahəngdar şəkildə birləşdirir.
Şıxbaba müəllimin
arzularından biri də odur ki, adamlar arasında əsl insani münasibətlər - yoldaşcasına əməkdaşlıq və qarşılıqlı
yardım, xeyirxahlıq, vicdanlılıq, şəxsi və ictimai həyatda sadəlik və təvazökarlıq
bərqərar olsun. Bu isə ancaq sosializmdə mümkündür.
Ləyaqətli
dost, gözəl insan Şıxbaba Rzayevin təvəllüd bayramı mübarək, ömrü fərəhlə dolu
olsun! Həyatın ən əbədi anları, ən təmiz, ən pak, ən şirin duyğuları, ən xoş
anları, dünyanın ən ali məqamları, ən uca zirvələri, ən yüksək mərtəbələri
Şıxbaba müəllimin olsun. Əqidə yoldaşımızın arzuları çin, xəyalları gerçək,
ümidləri göyərən olsun!
Ədalət
Abdinov
0 Комментарии