Kapitalizmin fəsadları fəlakətli halda dərinləşməkdədir

                                                            Ədalət Abdinov,                                                                                                           Azərbaycan Kommunist Partiyası Mərkəzi Komitəsinin katibi

Kapitalizm dünyanı xaosa sürükləyir, Böyük Oktyabr inqilabının ideyaları olmadan bu çıxılmaz vəziyyətdən xilas yolu yoxdur. Bəşəriyyət böyük kommunist liderlərdən biri Roza Lüksemburq tərəfindən formalaşdırılan alternativlə üz-üzədir: sosializm və ya barbarlıq. Ona görə də inqilab ideyaları bu gün xüsusilə aktualdır. Qonşumuz Rusiya fevralın 24-də  real dünya inqilabına - beynəlxalq münasibətlərdə inqilaba start verdi, bunun nəticəsi daha ədalətli dünya nizamı olmalıdır.

Bu gün dünyada  kapitalizmin fəsadları fəlakətli halda dərinləşməkdədir. BMT-nin məlumatına görə, hazırda Afrika, Asiya, Latın Amerikasında bir milyarda yaxın insan aclıq çəkir və bu il onlardan milyonlarla insan aclıqdan öləcək. Lakin bəşəriyyət bir neçə onilliklər ərzində bütün acları qidalandırmaq üçün kifayət qədər qida istehsal edir. Bu faciənin səbəbi yalnız qlobal kapitalist sistemi daxilində resursların son dərəcə ədalətsiz bölgüsüdür.

Hazırki kapitalizmin ağır xəstəliyinin başqa bir əlaməti faşizmin yayılmasıdır. Avropanın mərkəzində, həmçinin  Ukraynada  açıq şəkildə nasist rejimi qurulub və bu rejim indi böyük miqdarda Qərb silahları ilə təmin olunub. Narahatlıq döğuran odur ki,  kapitalizmin   dəhşətli övladı olan faşizm bir çox başqa ölkələrdə də başını qaldırır. XX əsrdə planeti qəhvəyi vəbadan xilas edən sovet əsgərlərinin abidələri sökülür. Baltikyanı rejimlər çoxdan  antisovetizmi ideologiyasının özəyinə çevirən vəziyyətdən istifadə etməkdən xüsusilə məmnundurlar. Və bu yaxınlarda dünyanın hər yerindən toplaşan minlərlə faşist Mussolininin Romaya qarşı yürüşünün yüzilliyini İtaliyada açıq şəkildə qeyd etdi.

Qərb kapitalizmi artıq bəşəriyyəti nüvə fəlakətinin uçurumuna atmağa hazırdır. Qərb siyasətçiləri və mediası bir neçə aydır nüvə müharibəsinin müxtəlif ssenarilərini müzakirə edir, sanki bu, adi və kifayət qədər məqbul bir şeydir.

Beynəlxalq kommunist və fəhlə hərəkatı  bu gün ədalətli dünya nizamı uğrunda mübarizə aparır. Və bu mübarizə  ilk növbədə  bütün sol qüvvələr tərəfindən dəstəklənir. Məlumdur ki, 2017-ci ildə Moskvada  Gənclər və Tələbələrin Ümumdünya Festivalı keçirildi.  Burada 150-dən çox ölkədən solçu gənclər təşkilatlarının nümayəndələri iştirak edirdi. Kommunistlər onlarla əlaqə saxlamaqda davam edir və görürlər ki, bu gün solun əksəriyyəti Qərb imperializminə qarşı mübarizədə  sosializm ideyalarını dəstəkləyir.

Solçular faşizmə qarşı qətiyyətli mübarizə aparırlar. 2014-cü ildən Ukrayna faşizminə qarşı mübarizə aparan kolumbiyalı beynəlmiləlçi Aleksis Kastillo Donbasda neofaşistlər tərəfindən qətlə yetirilib. Onun vətəndə  dəfn mərasimində Kolumbiyanın yeni seçilmiş solçu prezidenti Qustavo Petro iştirak edib. Bu mərasimdə Kolumbiya dövlət başçısı Qərb imperializmini ifşa edən nitq söyləyib.

Bildiyiniz kimi Belarus Rusiya Federasiyası ilə birlikdə İttifaq Dövlətini təşkil edir. Belarus Prezidenti Aleksandr Qriqoryeviç Lukaşenkonun  noyabrın 7-də Böyük Oktyabr İnqilabının ildönümü münasibətilə parlaq təbrikini xüsusilə qeyd etmək istəyirəm. Bu təbrikdə deyilir ki, 1917-ci ilin oktyabrı bütün dünyada milyonlarla zəhmətkeşin ədalətli cəmiyyət qurmaq arzularını təcəssüm etdirdi, oktyabr ideyaları müasir kapitalizmə alternativ olaraq qalır və sovet layihəsi bu gün sülh və dostluq içində yaşamağa çalışan bütün ölkələr üçün bir mayakdır.

11 noyabr 2022-ci il