Bu gün Azərbaycan Sosialist Hərəkatının fəallarından biri, mübariz marksist-leninçi, marksizm-leninizm təliminin yorulmaz təbliğatçısı və bir sıra sanballı məqalələrin müəllifi olan Vüsal Həsən oğlu Vəliyevin ad günüdür!
Əziz Vüsal yoldaş!
Sizi ad gününüz münasibətilə ürəkdən təbrik edir, Sizə möhkəm cansağlığı, uzun ömür, tükənməz enerji və ideya mübarizənizdə yeni-yeni uğurlar arzulayırıq!
Marksizm-leninizm nəzəri irsinin öyrənilməsi, təbliği və müasir dövrün ictimai-siyasi prosesləri kontekstində izahı istiqamətində apardığınız işlər, qələmə aldığınız sanballı məqalələr və sosialist ideyalarının yayılmasına verdiyiniz töhfələr xüsusi hörmətə layiqdir. Çünki əqidəyə sədaqət, nəzəri biliklərə yiyələnmək və bu bilikləri ictimai mübarizənin xidmətinə vermək hər bir həqiqi inqilabçının mühüm keyfiyyətlərindəndir.
İnanırıq ki, Sizin nəzəri və publisistik fəaliyyətiniz bundan sonra da davam edəcək, sosial ədalət, zəhmətkeşlərin hüquqları və sosialist idealları uğrunda mübarizəyə yeni töhfələr verəcəkdir.
Qoy qəlbinizdəki inam, əqidənizdəki möhkəmlik və mübarizə əzminiz heç vaxt tükənməsin! Həyat yolunuz uğurlarla, mənalı işlərlə və səmimi dostlarla zəngin olsun!
Yaşasın zəhmətkeşlərin həmrəyliyi!
Yaşasın sosializm ideyaları!
Yaşasın marksizm-leninizm!
Ad gününüz mübarək, Vüsal yoldaş! İdeyalarınızda dönməzlik, mübarizənizdə qətiyyət, həyatınızda səadət arzulayırıq!
Ədalət Abdinov, Azərbaycan Sosialist Hərəkatının sədri
0 Комментарии