“Mayın 1-də Azərbaycan kommunistləri
və kommunist təşkilatının təəssübkeşləri əməkçilərin Ümumdünya bayramını, öz əlləri, zəkası,
istedadı ilə cəmiyyətin maddi və mənəvi sərvətlərinin yaradanların və
artıranların bayramını qeyd etmək üçün toplaşacaqlar. Həmin gün günəşin bərq
vurduğu mavi səmada qırmızı bayraqlar dalğalanacaqdır. Bütün yer üzündə olduğu
kimi dogma Azərbaycanda da 1 Mayın mətin addımları eşidiləcəkdir”. Bu sözləri
mətbuat üçün açıqlamasında Azərbaycan Kommunistlər Birliyinin sədri Ədalət Abdinov demişdir.
Ədalət Abdinovun sözlərinə görə, bu
bahar və sülh bayramında bütün qitələrin adamları sanki əl-ələ verib vahid
sıralarla addımlayacaqlar. Zənci, vyetnamlı, ərəb, ingilis dokeri, fransız fəhləsi,
italyan balıqçısı, Rusiya, Türkiyə və Azərbaycan
zəhmətkeşi, bir sözlə, dünyanın bütün namuslu adamları nümayişə çıxanların
arasında olacaqlar. Öz həmrəyliklərini nümayiş etdirən bu adamlar müxtəlif dillərdə
danışsalar da, hamısının arzusu, diləyi birdir. Bayram günü dostluq və qardaşlıq
mahnıları oxuyacaq bu adamların dodaqlarında sülhə, demokratiyaya və sosializmə
çağırış nidaları əzəmətlə səslənəcəkdir.
1 May bayramı zəhmətkeşlərin beynəlxalq
həmrəyliyinə mübariz baxışdır. Bu bayram istismara və əsarətə qarşı, milli
istiqlaliyyət, demokratiya, sülh uğrunda,
sosializm ideyalarının təntənəsi naminə yekdilliyə nail olmaq əzminin
böyük nümayişidir.
1 Mayın al bayraqlarında “Əmək” sözü
qırılmaz surətdə “Sülh” sözü ilə birləşdirilmişdir. Azərbaycan xalqı sülhün qədrini
yaxşı bilir, çünki müharibənin nə demək olduğunu yaxşı bilir. Bunu bu gün, beynəlxalq
imperializmin təşkilatçılığı ilə burjua Ermənistan silahlı qüvvələri tərəfindən
işğal olunmuş əzəli və əbədi torpağımız Qarabağı azad etmək uğrunda apardığımız
mübarizədə xatırlamaq yerinə düşər.
Ədalət Abdinov daha sonar
bildirmişdir ki, müstəmləkə imperiyaları dağılmaqdadır. Kapital ölkələrində zəhmətkeşlərin
istismara və əsarətə qarşı, sülh, demokratiya və sosializm uğrunda mübarizəsi
artır və genişlənir. Sülh və tərəqqi qüvvələri, ictimai yeniləşdirmə qüvvələri
möhkəmlənir və planetimizdə öz zəfər yürüşünü davam etdirirlər.
Biz kapitala və irtcaya qarşı mübarizə
aparan kommunist və fəhlə partiyaların, proletariatın, bütün zəhmətkeşlərin
yanındayıq. Biz azadlığı və milli istiqlaliyyəti müdafiə edənlərin hamısı ilə həmrəy
olduğumuzu bir daha bildiririk, - deyə Ədalət Abdinov bəyan etmişdir.
Ədalət Abdinov daha sonra demişdir: - Sülh və
xalqlar dostluğu işinə sadiq olan, beynəlmiləlçilik prinsiplərinə sadiq olan Azərbaycan Kommunistlər Birliyi imperializmə qarşı,
müharibə təhlükəsinə qarşı mübarizədə bundan sonara da bütün mütərəqqi qüvvələrin
sıx birləşməsinə çalışacaqdır.
1 May günü dünya üzərində kommunist təşkilatların mübariz şüarı bir daha səslənəcəkdir:
“Kapital ölkələrindəki proletarlar, bütün demokratik qüvvələr, azadlığa çıxmış
xalqlar və məzlum xalqlar imperializmə qarşı, sülh, milli istiqlaliyyət,
ictimai tərəqqi, demokratiya və sosializm uğrunda ümumi mübarizədə birləşin!”.
Bayram günü proletar himninin ilhamlı
melodiyası səslənəcək, iştirakçılar “İnternasional” oxuyacaqlar. Bayram
yürüşünü bayraqdarlar başlayacaq, “Ura” səsləri ucalacaqdır -
Ədalət Abdinov vurğulamışdır.Azərbaycan Kommunistlər Birliyinin mətbuat xidməti
0 Комментарии