Postsovet respublikalarında kapitalizm bərpa olunduqdan və burjuaziya diktaturası qurulduqdan sonra onların başında duran kapitalistlər özlərini qorumaq üçün fəhlələrin intoksikasiyası, onları əsarətdə saxlamaqda davam etmək və getdikcə daha böyük istismar yolu ilə nəhəng gəlirlər əldə etmək üçün bütün vasitələrdən istifadə etməyə başladılar.
Burjua təbliğatı sosializmin məhvinə və zəhmətkeşlərin əsarət altına alınmasına haqq qazandırmaq, eyni zamanda “qaniçən” bolşeviklərə, Sovetlərin hakimiyyətinə və onlarla birlikdə fəhlə sinfinə böhtan atmaq və ləkələmək üçün qaranı ağ, ağı qara kimi təqdim edən miflərdən istifadə edir. Bütün bu miflər davamlı olaraq televiziyada, internetdə, mətbuatda tirajlanır... Hətta məktəb dərsliklərində belə mifologiya həqiqət kimi təqdim olunur ki, bu da xüsusilə dəhşətlidir!
Amma indi yalanın təbliği daha hiyləgər və məkrli olub. Əgər əvvəllər postsovet respublikaları hökumətləri sovetin hər şeyini pisləyirdilərsə, hətta tüpürdülərsə indi şovinizmin və millətçiliyin alovunun istisində burjuaziyanın yerini möhkəmləndirirlər. Sovet dövrü indi böyük, bəzi postsovet respublikaları isə diz çökmüş bir ölkə kimi təmtəraqlı nostalji hiss ilə təqdim edilir. SSRİ-nin bir növ varisi kimi “tanrısız Amerikaya” qarşı mübarizə aparırlar.
Məsələn, Rusiyanın kapitalist hökuməti nümayişkaranə şəkildə sosialist Sovet İttifaqını kopyalamağa başlayıb: "Əməyə və müdafiəyə hazıram!" Ümumittifaq Bədən Tərbiyəsi və İdman Komleksinin standartları həyata keçirilir, mayın 1-də paradlar təşkil edilir, SSRi-də pionerlərin fəaliyyət proqramı təkrar olunur.
Təbii ki, hamı sovet dövlətinin əsl ağasının kim olduğuna, ölkəni hansı təbəqənin idarə etdiyinə susur. Bu barədə bir kəlmə də yoxdur. Bu başa düşüləndir, burjuaziya həqiqəti göstərməyəcək. Çünki fəhlə onun necə və nə üçün qarət edildiyini, qul mövqeyinə salındığını bilsə, ağalarını toz-torpaq içində qoyacaq.
Lakin burjuaziyamız bütün gücü ilə Sovet İttifaqını kopyalamağa çalışsa da, Leninə və bolşeviklərə, Böyük Oktyabr inqilabına və sosializmə nifrətini gizlətməyə artıq gücü çatmır. Buna baxmayaraq, Böyük Oktyabr və sosializmə, Leninə və bolşeviklərə hələ də burjuaziya nifrət etməkdə davam edir. Burjuaziya hələ də onlara böhtan atır. Amma indi daha hiyləgərcəsinə böhtan atırlar, İosif Vissarionoviç Stalinin getdikcə artan populyarlığından öz xeyirlərinə istifadə etməyə çalışırlar. "Yenidənqurma"nın əvvəlində onun üstünə tonlarla çirkab tökdülər. İndi isə Stalinin şöhrətinin və ona olan hörmətinin getdikcə artdığını başa düşdükdən sonra onun adı ilə bağlı fərziyyələr aparmağa qərar veriblər - inqilabçı Stalini böyük dövlət imperialisti kimi qələmə verirlər, onun adı ilə böyük dövlət şovinizmini şişirdirlər, dünyanın yeni nizamı bəhanəsi ilə imperialistlər arasında düşmənçilik törətmək üçün psixoloji hazırlıqlar aparırlar.
Burjuaziyanın indi Leninə böhtan atmağa və Stalinin adından öz məqsədləri üçün istifadə etməyə çalışdığı ən geniş yayılmış mif belə səslənir: guya, alman casusu Leninin rəhbərliyi altında alçaq bolşeviklər “böyük” imperiyanı dağıdıb məhv etdilər, sonra isə vətənpərvər Stalin böyük imperiyanı qurdu və s.
Tarixi yaxşı bilməyənlər, hətta marksizmin əsaslarını belə bilməyənlər bəlkə də bu cəfəngiyyata inana bilərlər. Amma biz bu məsələyə elmin imkanları ilə yanaşacağıq və bu mifi darmadağın edəcəyik. Stalin böyük inqilabçı, Leninin tələbəsi və onun işinin davamçısı olduğunu göstərəcəyik.
Stalinin gördüyü bütün böyük işlər Leninin işinin davamıdır. Sovet İttifaqını belə əfsanəvi zirvələrə qaldıran bütün möhtəşəm Stalinist təşəbbüslər ya Lenin tərəfindən başlayıb, Stalin tərəfindən davam etdirilib, ya da Lenin tərəfindən düşünülüb, nəzəri cəhətdən əsaslandırılıb və Stalin tərəfindən həyata keçirilib.
Ədalət Abdinov
&webpageName=Stalinin%20g%C3%B6rd%C3%BCy%C3%BC%20b%C3%BCt%C3%BCn%20b%C3%B6y%C3%BCk%20i%C5%9Fl%C9%99r%20Leninin%20i%C5%9Finin%20davam%C4%B1d%C4%B1r&ref=&url=https%3A%2F%2Fazssr.blogspot.com%2F2025%2F03%2Fstalinin-gorduyu-butun-boyuk-islr.html&width=1280&height=720&rand=331<=616){kind=tracking}
0 Комментарии